Tatlong Taon

Posted: December 23, 2004 in Filipino (Tagalog) Posts
Tags: , ,

nandito akong muli sa lugar natin… alam mo, wala itong ipinagbago. ganun pa rin ang paligid. tahimik… maaliwalas… at higit sa lahat… andun pa rin yung mga palatandaang iniwan natin.

natatandaan mo ba nung unang punta natin dito? muntik na kong mahulog nun dahil nadulas ako. buti na lang, mabilis ka. nahawakan mo ko at hinila pataas. kahit yakap mo na ako, matindi pa rin ang kaba ko. malakas pa rin ang kabog ng dibdib ko. sabi mo pa nga, kulang na lang eh umiyak ako. hindi ko kasi magawang kalmahin ang sarili ko eh…

naaalala mo rin ba yung unang gabi nating dalawa? dun din tayo, di ba? sinorpresa mo pa nga ako eh… dahil sa takot, maingat kong inakyat yung lugar natin. at pagdating sa taas, bumungad sa akin yung nilatag mong kumot, mga pagkaing gusto ko… mga kandila at tulips… inaya mo kong kumain. at pagkakain, magkatabi tayong nahiga.

alam mo, hindi ko makakalimutan yung gabing yun. andun tayo sa bubong ng bahay nyo… magkatabi… at parang mga batang naglalaro sa liwanag ng buwan. tinuro mo sa akin ang polaris… ang orion… itinuro mo rin sa akin yung iba pang constellations na nakikita sa langit…

sa lugar na ito, marami akong natutunan… dito din tayo nagbitaw ng pangako sa isa’t isa. di ko makakalimutan yun… hanggang ngayon kasi, tumutupad pa rin ako sa mga pangako ko sa’yo… kaya lang…

bakit mo ko iniwan? bakit mo kinalimutan yung pangako mo? bakit ka umalis? bakit hindi mo ko hinintay?

alam kong masaya ka na ngayon. naiinis ako kasi pakiramdam ko, hindi mo man lang ako inisip… hindi mo ba alam na nasaktan ako sa pag-alis mo? alam mo bang hanggang ngayon, nananatili ako sa kahapon? hindi ko magawang harapin ang bukas dahil alipin pa rin ako ng nakalipas. wala akong magawa kundi ang alalahanin ka… ang isipin ka… ang balik-balikan ang lugar natin…

tatlong taon na ang lumipas… ikaw pa rin ang gusto kong makasama. magpapasko na. anibersaryo na naman… magta-tatlong taon na simula ng iwan mo ako… ikatlong pasko ko na ‘tong wala ka sa tabi ko… tatlong taon na simula ng kunin ka ng Diyos sa akin… sa araw mismo ng pasko…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s