Anibersaryo

Posted: December 26, 2004 in Filipino (Tagalog) Posts
Tags: , ,

ang liwanag ng buwan, di ba? at ang langit, punong-puno ng bituin… agad kong hinanap ‘yung polaris… yung bituin natin. pakiramdam ko tuloy, nandun akong muli sa unang gabing kasama kita dito sa lugar natin…

gaya noon, maliwanag din ang langit. bilog ang buwan at ang daming bituin. sinubukan nating bilangin ang mga yun… at para di tayo malito, iginuhit mo pa ang langit. minamarkahan mo yun sa bawat bituin makita natin…

natatandaan ko noon, kandila lang ang ilaw natin. sabi mo, nakaka-relax ang mga scented candles… kaya hindi ito pwedeng mawala pag magkasama tayo… parang kulang ang mundo natin pag wala ang init at liwanag na mula sa knaila.

ang sayang alalahanin ng nakaraan no? matagal-tagal na rin eh… matagal-tagal ka na ring hindi sumusulat sa akin… tatlong taon na simula ng matanggap ko ang huling sulat mo…

ngayon, nandito akong muli sa lugar natin. inayos kong lahat. sinigurado kong kumpleto ang dala ko.. kumot, pagkaing gusto mo, mga kandila… at ang ilang sulat ko para sa’yo..

pagkatapos kumain ay iginuhit ko ang langit.. iginuhit ko ito sa paraang gusto mo… sa paraan kung paano mo ito iguhit… kaunti na lang, magagawa ko na rin ito ng maayos. ilang taon na lang, maiguguhit ko na ang langit ng tulad sa gawa mo…

may mga sulat pala ako pa sa’yo. gusto kong basahin mo lahat… medyo mahaba at madami, pero alam kong babasahin mong lahat ito at iintindihin…

‘wag kang mag-alala… malayo ka man sa akin, alam kong mababasa mo ang mga sulat kong para sa’yo. ayan… sinusunog ko na ang huli. itinuro mo ito sa akin, di ba? sabi mo, kapag malayo ang padadalhan ko ng sulat, sunugin ko na lang ito…

tapos ko ng sunugin ang mga sulat ko para sa’yo… ang usok ang siyang mgahahatid ng mensahe ko… natanggap mo na ba? nabasa mo na ba??? sana narating ng mga usok na yun ang langit na kinalalagyan mo…

oo nga pala, happy 3rd anniversary… hihintayin ko ang sagot mo…

sa panaginip ko…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s